O gwmpas Aberteifi bydd y Llwybr Crefft, mewn cydweithrediad ag Oriel Myrddin a chwe lleoliad lleol, yn cynnwys y Mwldan, yn arddangos gwaith newydd gan wneuthurwyr blaenllaw a ysbrydolwyd gan Gasgliad Amgueddfa Cymru.

Fel rhan o Lwybr Crefft Gŵyl Grefft Cymru, bydd yr artist tecstilau Ffion Evans yn arddangos darn tecstilau rhyngweithiol yn yr oriel yn y Mwldan. Mae croeso i chi alw heibio i fwrw golwg!

Ffion Evans

Galeri Mwldan 30 Awst- 20 Medi

Mae Ffion yn artist tecstilau Cymreig o Gonwy, sy'n enwog am greu lluniadau synhwyraidd, cyffyrddol sy'n gwahodd rhyngweithio chwareus ac yn ysgogi eiliadau o lawenydd a chwilfrydedd. Mae ei gwaith wedi'i ysbrydoli'n sylweddol gan wrthrychau bob dydd a'n perthynas â nhw.

Ar gyfer ei darn sydd wedi'i gomisiynu, mae Ffion wedi'i hysbrydoli gan baentiadau blodeuog lliwgar Nerys Johnson, curadur ac artist uchel ei pharch o Fae Colwyn sydd, er gwaethaf ei brwydr gydag arthritis gwynegol, wedi dilyn gyrfa lwyddiannus fel artist i greu gweithiau beiddgar a lliwgar. Y darn y mae Ffion wedi'i ddewis o blith gwaith celf Johnson yw "Autumn Leaves with Rosehips II." Bydd ei darn yn cynnwys gwrthrychau cerfluniol meddal wedi'u hysbrydoli gan y siapiau planhigion a geir yng ngwaith celf Johnson. Bydd y cerfluniau hyn, wedi'u tacio'n ofalus i'r brif adran, yn caniatáu i'r cyhoedd ryngweithio â'r darn, gan symud yr elfennau o gwmpas i greu eu cyfansoddiadau gweledol eu hunain. Mae'r elfen ryngweithiol hon nid yn unig yn talu teyrnged i ddefnydd deinamig Johnson o liw a ffurf ond mae hefyd yn gwahodd gwylwyr i ymgysylltu â'r gwaith mewn modd cyffyrddol a chwareus, gan adlewyrchu ymrwymiad Ffion i greu celf sy'n drawiadol yn weledol ac yn hynod ddiddorol.

Gŵyl Grefft Cymru yng Nghastell Aberteifi. 

6 i 8 Medi 2024                                                     

Tocynnau'n £7 ymlaen llaw ar-lein: www.craftfestival.co.uk/cymru    

Mynediad am ddim i blant dan 18 oed yng nghwmni oedolyn sydd â thocyn.