Edward Scissorhands: Fersiwn dawns Matthew Bourne o glasur Tim Burton.

Bu lle i gynhyrchiad dawns hudol Matthew Bourne o Edward Scissorhands yng nghalonnau cynulleidfaoedd ledled y byd ers ei berfformiad cyntaf yn 2005. Yn seiliedig ar ffilm glasurol Tim Burton ac yn cynnwys cerddoriaeth hynod hardd Danny Elfman a Terry Davies, mae Bourne a’i Gwmni New Adventures yn dychwelyd at y stori ffraeth, chwerwfelys hon am fachgen anghyflawn, wedi’i adael ar ei ben ei hun mewn byd newydd rhyfedd. Mae Edward yn byw mewn castell i fyny fry ar fryn; bachgen wedi’i greu gan ddyfeisiwr ecsentrig. Pan mae ei luniwr yn marw mae'n cael ei adael ar ei ben ei hun a heb ei orffen, gyda siswrn yn lle dwylo nes bod gwraig garedig yn y dref yn ei wahodd i fyw gyda'i theulu. A all Edward ddod o hyd i'w le yn y gymuned hon sy’n llawn bwriadau da ond sy'n cael trafferth gweld y tu hwnt i’w olwg chwilfrydig i'r diniweidrwydd a'r addfwynder oddi mewn?

£18 (£17)