CYNHYRCHIAD Y MWLDAN 

VRï yw - Jordan Price Williams (sielo, llais), Aneirin Jones (ffidil, llais) a Patrick Rimes (fiola, ffidil, llais) - tri gŵr ifanc o berfeddion Cymru, gyda’i hanes hirfaith o fynychu’r capel. Aethant ati i gloddio i gynnwrf diwylliannol y canrifoedd diwethaf a chawsant eu hysbrydoli gan stori anhygoel cyfnod pan gafodd cerddoriaeth a dawns draddodiadol Cymru eu llethu gan gapeli’r Methodistiaid, ac, yn gynharach, ei hiaith gan y Ddeddf Uno. Mae harmonïau tair rhan, chwarae ffidil syfrdanol ac ychwanegiad anarferol y sielo yn creu sain VRï sy’n gwbl unigryw. Ers ffurfio yn haf 2016, mae’r triawd wedi bod yn chwilio am esthetig ‘gwerin-siambr’ - gan gyflwyno eu halawon dawns brodorol bywiog tra’n cynnal gosgeiddrwydd a cheinder ensemble llinynnol. Mae VRï wedi taflu goleuni newydd ar draddodiad gwerin bywiog sy’n harneisio egni amrwd y ffidil gyda cheinder y feiolin, harddwch cerddoriaeth siambr gyda llawenydd a phleserau sesiwn dafarn. Mae'n syniad traws-genre sy’n gyfarwydd iawn i gynulleidfaoedd yn Sgandinafia a Gogledd America ond sy’n anghyfarwydd yng Nghymru hyd yn hyn.

Mae’r enw VRï yn air Cymraeg, sy’n golygu ‘uwchben’, ‘uchod’, ‘arnofio’, yn syml... ‘i fyny!’ gyda sillafiad sydd wedi’i ysbrydoli gan Hen Gymraeg. Mae’n disgrifio’r teimlad o chwarae’r math hwn o gerddoriaeth siambr leisiol a llinynnol - pob un o'r chwe llais yn rhyngweithio'n annibynnol â'i gilydd, heb unrhyw fath o ‘angor’ neu raffau diogelwch (boed y rheiny’n rhai rhythmig fel cit drymiau, neu yn rhai harmonig megis offerynnau cribellog neu allweddellau). Mae’n brofiad sy’n cyffroi’r perfformwyr cymaint ag y mae’n eu dychryn... a gobeithio ei fod yn bleserus i’r gwrandawyr hefyd!

AR DAITH 2023:

IONAWR

28         Cara Dillion and VRï (double bill), Royal Concert Hall Glasgow

MAI

5           Eglwys Saint Giles, Wrexham- FOCUS Wales 

6           Gwŷl Werin Tŷ Tredegar

17         Clwb y Bont, Pontypridd

18         The Borough Theatre, Y Fenni

19         Pontio, Bangor

20         Hermon Arts, Oswestry

21         Catstrand, New Galloway 

24         Lyth Arts Centre - supporting Breabach

25-28   Orkney Folk Festival

MEHEFIN

1           Tolbooth, Stirling

2           JONES + RIMES (Aneirin Jones a Patrick Rimes), Kirkstile Community Centre, Dean 

3           VRï workshop, 1pm - Rosehill Theatre, Morsesby, Whitehaven

3           The Globe Hall, Ireby

4           The Hill, Millom

5           St. Michael and All Angels, Spennithorne, Swaledale Festival 

6           St. Mary’s Church, Muker, Swaledale Festival

7           Mwldan, Aberteifi / Cardigan - supporting Breabach

8           Canolfan y Celfyddydau Aberystwyth 

9           Liverpool Philharmonic Music Room

10         St Augustine's Church, Penarth

11         Gŵyl Werin Gŵyr

14         Cecil Sharp House, Llundain

16         The Live Room, Saltaire 

GORFFENNAF

11         Llangollen Fringe Festival gyda Cerys Hafana

23         Folk Holidays - Náměšť nad Oslavou, Czech Republic

AWST  

8           Sidmouth Folk Festival 

9-12     Interceltique de Lorient